Poem: Jai Khalifa!!

Aaj kai mahino baad khalifa ke 4 sadasya saath hue

Kisse, baatein or tarane saath hue

2 din mein kuch purani yaadein taaza hui

Aur kuch naye adhyaye jode gaye.

Guru aur Chaturvedi ke Mumbai ke pehle safar ko Tulla ne “10 min walking” se haseen kiya

To PD ke hamesha ki late lateefi ne uss ko aur haseen kar diya

Siddhi Vinayak, Mahalaxmi aur Haji Ali par maatha tikaya gaya

Marine Drive Par Saagar ko door se nihara gaya

Bandstand par samundar ko chua gaya

Aur kuch haseen pal ko jeevan bhar camera mein qaid kiya gaya

Guru ne apne “Ho Sakne Wale” Prem se milaap kiya

to Chaturvedi ne Bhabhi ke liye Linking Road se Hand bag hathiya liya

Tulla ne jeevan mein pehli baar Levis ki Shirt utha liya

Pd ne yeh sara waqt Juice peene mein guzaar diya.

Ghar, Zindagi, naukri aur chokri par gahan shodh hua

Par Chokri ne sabko jod diya

Non Strikers ne Strikers ko saraha

To Strikers ne Non Strikers ko sahi bata diya

Hansi-Mazaak ne sama baandh diya

Yaaron ki yeh mehfil yun hi jamti rahe

Aur Khalifaon ki yeh dosti nayi unchaai par chadhti rahe

Masti to bahut ki par

Kuch Logon ki kami bahut khali

Ummed hai ki jald hi hum sabhi fir se milenge

Jo kami reh gayi use poora kar daalenge.

Jai Khalifa!!

copyright_logo2

Leave a Reply

Your email address will not be published. Required fields are marked *