Tag Archives: Mother’s Day

Mother’s Day: A Poem on Mother

This powm was written by Nanhe when he was studying his graduation miles away from home. We move out of our home and call it as a “new experience” but as time passes by, it becomes clear that true world is where the mother is. Perhaps the poem speaks itself for the feeling. Here is a poem on Mother’s Day!!

Maa main tere paas aana chahta hoon
Aaj main khud ko tere se bahut door paata hoon
Mann mein aata hai ki woh jeevan hi kya jaha tum mere saath nahi
Sab Kuch hai mere paas bas tera deedar nahi
5 saal to maine “naye anubhav” ki aad mein tujhse door reh kar guzaar diye
par aaj main tere paas aana chahta hoon

Us chinta mukt bachpan mein waapis jeena chahta hoon
Jahan tere saath ne–
har mushqil ko aasaan kar diya
har gham ko rukhsat kar diya
har pal tere ehsaas ne sukoon diya
har baat mein nayi seekh naya paath diya
har thapthapi ne hausla diya

Jaanta hoon ki jo kaifiyat meri hai woh teri bhi hogi
Par Kabhi Kabhi yeh doori bahut tadpati hai
Kehne ko to kehta hoon ki main bahut khush hoon
par tere bin har khushi adhoori hai
Kashmakash aur faasley ko mann mitana chahta hai
Jee karta hai sab kuch chodh tere paas aa jaaon
Tere aanchal mein chup jaaon…

Logo_Ris

Here are few lines which speak heart out. Nanhe got it through one of his friend.

Neend bahut ati hai padhte-padhte..
Maa tu hoti to keh dete ke ek cup chai bana de. …
Thak gaye hai mess ki roti kha-kha k…..
Maa tu hoti toh keh dete parathe bana de……
Wohi kosish roj khush rehne ki….
Maa tu hoti to dil se muskura lete..
Bahut dur nilkal aaye hai ghar se…..
Maa tere sapno ki parwah na hoti toh kabka ghar chale aate…